Chronicon M.Theodorici Engelhusii, continens res ecclesiae et reipublicae,ab orbe condito ad annum christi circiter MCCCCXX. 

Ex Mss. Codicibus Nunc Primum edidit

Joachimus Johan. Maderus.

Helmestadi, Typis ac sumtibus Henningi Mulleri

Academiae Iul. Typogr.,  MDCLXXI.

S.264

... CLEMENS quintus Gallicus, prius Bertramus, sedit

annos IX. Celebrat Concilium Vigennense, ubi constituit Cle-

S.265

mentinas ; sed morte praeventus eas non fecit publicari : sed

Iohannes successor ejus publicavit.  Iste Clemens nunquam

vidit Romam ; in suo papatu  stetit Avinione. Ipse condemna-

vit & penitus delevit, & per totum mundum extirpavit, po-

tentissimum Ordinem TEMPLARIORUM,  opponens ei xl.

articulos, in  quibus agerent contra fidem Christianam.  In

hoc consensit ei Rex Franciae, qui multos ex eis, & Magistrum

Ordinis fecit tormentari.  Dicitur autem communiter, quod

Magister Ordinis dixit in agone, se & ordinem suum omnium ob-

jectorum criminum innocentes, appelans ad summum judicem, ad

quem specialiter Papam & Regem Franciae super hoc sibi responsu-

ros peremptorie citavit, qui quasi eodem anno mortui sunt.

Idem Clemens positus in extremis valde deploravit, se reum

esse mortis Henrici Imperatoris hic sequentis, & destructionis

ordinis Templariorum. De eo scripsit Joachim Abbas: Vulpi-

nam figuravi amicitiam, sed multum senex. Crůcebrõder iterum

erant.